ભગવાન સ્વામિનારાયણ પ્રબોધિત સનાતન સિધ્ધાંતો અને બાપાશ્રીએ સમજાવેલ સર્વોપરી જ્ઞાન અને સ્થિતિનાં સૂત્રોના વિશ્વવ્યાપી વિજય ધ્વજ લહેરાવવા ઈ.સ. 1986માં શૂન્યમાંથી સર્જાયેલ SMVS સંસ્થાની ગુરુવર્ય પ.પૂ.બાપજી દ્વારા સ્થાપના થઈ. ઈ.સ. 1986થી લઈને ઈ.સ. 2012ના મંગલ વર્ષે વિશ્વવ્યાપી પ્રવર્તનની નેમથી પાતાળમાં પાયા નાખી આજે આ SMVS સંસ્થાને આ 25 વર્ષ પૂર્ણ થઈ રહ્યા છે. ઈસ. 2012ના આ રજત વર્ષે SMVS સ્વામિનારાયણ સંસ્થાનો રજત યુગ અસ્ત પામી સુવર્ણ યુગ આરંભાઈ રહ્યો છે ત્યારે આ સુવર્ણયુગના પ્રારંભે SMVSની આન, બાન અને શાન વિશ્વભરમાં પ્રસરાવવા તથા ભગવાન સ્વામિનારાયણના સંકલ્પો અને સિધ્ધાંતોના યાવદ્ચંદ્ર દિવાકરૌ ખૂંટ ખોડવા SMVS રજત જયંતી મહોત્સવની શાનદાર ઉજવણી થનાર છે. તારીખ 21થી 28 ડીસેમ્બર 2012માં ઉજવાનાર SMVS રજત જયંતી મહોત્સવનો લાભ લેવા માટે ગુરુવર્ય પ.પૂ.બાપજી અને પૂ.સ્વામીશ્રીની સમસ્ત હરિભક્ત સમાજને આજ્ઞા છે. માટે નોકરી, ધંધા અને પારિવારિક પ્રસંગોની સુયોગ્ય ગોઠવણ કરી મહોત્સવના પૂરેપૂરા દિવસોનો લાભ લેવા માટે કુટુંબ-પરિવાર સહ પધારવા ભાવભર્યું નિમંત્રણ છે.

આ રહ્યાં મહોત્સવનાં આકર્ષણો