કોરોનાની મહામારીમાં સંસ્થાના વડા ગુરુવર્ય પ.પૂ.સ્વામીશ્રીની ભલામણો :

-   સરકારના તમામ આદેશોનું પાલન કરવું.

-   સરકારના આદેશ અનુસાર ક્યાંય બહાર ન નીકળીએ અને ઘરે જ રહીએ.

-   કર્તાપણું ભગવાનનું જ છે છતાં સલામતીનાં પગલાં લેવાં અને જાગૃતિ રાખવી.

-   અનાજ, દવા, કરિયાણું વગેરેનો બિનજરૂરી સંગ્રહ ના કરવો.

-   શ્રીજીમહારાજ જે કરુણાથી દરેકની સેવા કરતા-કરાવતા તે કરુણા આપણે દાખવવાની છે. 

-   મજૂર વર્ગ હોય કે જેમને પગાર કે રોજગાર ન મળતો હોય તેમનું ખાસ ધ્યાન રાખવું.

-   ન્યૂઝપેપરના ફેરિયા, દૂધવાળા, કામવાળા વગેરે નાના માણસોની ખાસ ચિંતા રાખવી.

-   લૉકડાઉન દરમ્યાન આપના ધંધામાં સ્ટાફ કામ પર આવી શકતો ન હોય પણ તેમનો પગાર કાપવો નહીં. પગાર જ તેમની આજીવિકાનું સાધન છે. આ આપણી ફરજ છે. સૌને ખાસ વિનંતી છે. ભલે સંસ્થામાં ધર્માદાની સેવા ઓછી કરવી પડે તો ઓછી કરજો પણ નાના માણસને, સ્ટાફને સાચવજો. મહારાજ ખૂબ રાજી થશે. અમે ખૂબ રાજી થઈશું.

-   મકાન ભાડે આપેલ હોય અને ભાડવાત ભાડું આપી શકે તેમ ન હોય તો ચલાવી લેજો, નિર્દય ન થતા; દયા રાખજો.

-   સ્વાર્થી થઈને પોતાનું એકલાનું ન વિચારવું, સૌનું વિચારવું એ આપણું કર્તવ્ય છે.

-   વિદેશમાં પણ લૉકડાઉન ચાલી રહ્યું છે ત્યારે ત્યાં નોકરી કરતા સેંકડોને નોકરી જાય તેવા સંજોગો દેખાય છે ત્યારે સંસ્થાનાં વિદેશનાં તમામ મંદિરો આવા જરૂરિયાતમંદ માટે ખુલ્લાં મૂકી દેવાં. મંદિરોમાં સૌ પોતાનું ઘર સમજી કોઈ ચિંતા કર્યા વગર રહેજો, જમજો.

-   વિદેશના હરિભક્તોને આજ્ઞા કરી હતી કે આવા કોઈ યુવકોને કોઈ ખર્ચ લીધા વગર રાખજો. આ ખરેખરી સેવા છે માટે ખાસ કરજો.

-   વૈશ્વિક મંદી આવશે એવું લાગી રહ્યું છે ત્યારે કોઈ નવી ગાડી, પ્રોપર્ટી લેવાનું વિચારતા હોય તો તે ન લેતા. બૅંકની સસ્તી લોન મળે છે તો લઈ લઈએ એવું થાય પણ એવી હિંમત ન કરતા. 

-   ફ્રી ટાઇમ મળ્યો છે તેમાં આળસુ થઈ જવાની, કુસંગી થવાની શક્યતા છે એટલે મોબાઇલ, લૅપટૉપ અને ઇન્ટરનેટનો દુરુપયોગ ન થાય તે સાચવજો.

-   જમવામાં ખાસ ધ્યાન રાખવું. કન્ટ્રોલ રાખવો. ત્રણ ટાઇમ જમતા હોય તો બે ટાઇમ જમવું.

-   ઘરમાં કંકાસ ન થાય તેનું ધ્યાન રાખવું. ઘરમાં કેટલી આત્મીયતા છે તેનું માપ આ સમયમાં નીકળશે.

-   રોજ સવારે તથા સાંજે સંસ્થાની વેબસાઇટ પર આરતી તથા સભા મુકાય છે તેનો લાભ લેવો અને સમયનો સદુપયોગ કરવો.